Sundag 6. september sette vi oss i bussen med Jan Hanken som sjåfør, "as usual"! Det var mange som hadde møtt opp, både store og små og stemninga var høg!

Vi køyrde så langt vegen gjekk og tok så apostlenes hester fatt. Opp og fram, litt bratt og litt slakt. Vi pukka bær undervegs, og prøvde å unngå å trakke i kumøkka som låg på støylen vi rasta ved.

Gåturen enda i ein bratt kneik nedover til Flo. Det var godt å setje seg i bussen som han Jan hadde køyrd rundt Hornindal og Stryn sentrum opp for å møte oss. Vi stoppa på Hellesylt og tok ein felles middag på kafeen i sentrum.